Qarabağın işğaldan azad olunması uğrunda gedən döyüşlərdə qəhramancasına şəhid olan əsgərlərimizdən biri də 25 yaşlı Zaur Dövlətovdur. Müharibə başlayanda Zaur Türkiyədəki otellərdən birində yaxşı maaşlı işdə çalışırmış, amma Vətən savaşının başladığını eşidəndə iş yoldaşları ilə hallaşıb və Azərbaycana qayıdıb, könüllü cəbhəyə gedib.
Dövlətov Zaur Zahid oğlu 09.03.1995-ci ildə anadan olub.Azərbaycan Silahlı Qüvvələrinin əsgəri olan Zaur Dövlətov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Şuşa şəhəri istiqaməti uğrunda gedən döyüşlərdə iştirak edib. Zaur oktyabrın 5-də cəbhəyə yollanıb, noyabrın 9-da Şuşa ətrafında gedən döyüşlərdə yaralanıb. Onun yaralanmasından saatlar sonra hərbi əməliyyatların dayandırılması haqda razılaşma əldə olunub. Təəsüf ki, Zaurun yarası ağır olduğundan həkimlər onu xilas edə bilməyiblər, döyüşsü noyabrın 12-də xəstəxanada canını vətəninə tapşırıb.