Nurlan Süleyman oğlu Qurbanlı 27 sentyabr 2001-ci ildə Xırdalan şəhərində anadan olub. 2007-2018-ci illərdə Abşeron rayonu Nübar qəsəbəsində yerləşən Xanlıq kənd 3 saylı tam orta məktəbdə təhsil alıb, ardınca təhsilini Dəniz Nəqliyyatı, Gəmiqayırma və Liman İşləri üzrə Bakı Dövlət Peşə Təhsil Mərkəzində davam etdirib. Kollecdən “Gəmi mexanizmlərinin təmiri üzrə çilingər” ixtisası üzrə məzun olub..
Nurlan Qurbanlı 2019-cu ildə müddətli həqiqi hərbi xidmətə çağırılıb və Azərbaycan Silahlı Qüvvələrinin Cəlilabad rayonunda yerləşən" N” saylı hərbi hissəsində xidmət edib.
Azərbaycan Silahlı Qüvvələrinin əsgəri olan Nurlan Qurbanlı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə iştirak edib.
Nurlan Qurbanlı oktyabrın 5-də Cəbrayıl döyüşləri zamanı qəhrəmancasına şəhid olub.
Nişanlı idi.
Şəhidimiz ölümündən sonra “Vətən uğrunda” və “Cəsur döyüşçü” medalları ilə təltif olunub.
Şamaxı şəhər Şəhidlər Xiyabanında torpağa tapşırılıb.