1975-1993
(Xırdalan qəsəbəsi)

Bəyəli Abdulla oqlu Zülfəliyev 1975-ci il yanvar ayının 15-də Bakı şəhərində anadan olmuşdu.

1993-cü ildə Xırdalan qəsəbəsindəki 1 saylı orta məktəbi bitirmiş və elə həmin ilin may ayında da könüllü olaraq Milli Ordu sıralarında döyüş bölgəsinə getmişdir. Artilleriya divizionunda qulluq edən Bəyəlinin döyüş yolu Ağdamdan başlamış və 1993-cü il iyul ayının 3-də Novruzlu kəndi uğrunda doyüşlərdə başa çatmışdır. Həmin doyüşdə o, yaralanaraq hərbi xəstəxanaya çatdırılmış, lakin onu xilas etmək mümkün olmamışdır.

Bəyəli subay idi. Bir qardaşı, üç bacısı var.

Bakıda Şəhidlər Xiyabanında dəfn olunub.

Oğul dərdinə dözə bilməyən anası Reyhan xanım Bəyəlinin ölümündən sonra həmişə xəstə olmuş, axır ki, bu dərdi çəkə bilməmiş və 1997-ci il vəfat etmişdir. Ana ilə sevimli oğlunu bir-birindən ayıran ölüm onların ruhlarını əbədi olaraq bir-birləri ilə qovuşdurmuşdur.