1946-1993
(Xırdalan qəsəbəsi)

Azad Bayram oqlu Muradxanov 1946-cı il fevral ayının 7-də qədim Zəngəzur mahalının (indiki “Ermənistan"ın) Qafan şəhərində anadan olmuşdu.

Uşaqlığı Qubadlı rayonunun Ballıqaya kəndində keçmişdi.
O, Qafan şəhərində səkkizillik məktəbi bitirmişdi.

1969-cu ildən 1975-ci ilədək “Ermənistan" DİN sistemində işləmişdir.

1976-cı ildə isə Abşeron rayonunun Xırdalan qəsəbəsinə köçüb gəlmişdilər. Azad burada əvvəl südçülük
sovxozunda işləmiş, sonra Bakıda tikinti-təmir idarəsində çalışmışdı.

1993-cü ilin noyabr ayının 7-də könüllü olaraq Milli Ordu sıralarında cəbhəyə getmişdi. O, Abşeron batalyonunun tərkibində Beyləqan- Füzuli istiqamətindəki döyüşlərdə iştirak etmiş və dəfələrlə düşmən mühasirəsinin yarılmasında igidlik göstərmişdir.

Azadın sonuncu döyüşü 1993-cü il dekabr ayının 22-də Füzuli uğrunda olub. Həmin döyüşdə o, qəhrəmancasına şəhid olmuşdur.
Məzarı Xırdalan qəsəbə qəbiristanlığındadır.

Azad Muradxanov ailəli idi. İki oğlan, üç qız yadigarı var.