1970-1994
(Masazır kəndi)

Hamlet Kərim oqlu Həşimov 1970-ci il may ayının 25-də Laçın rayonunun Mirik kəndində anadan olmuşdu.
Ailədə doqquz ovlad olublar: beş oğlan, dörd qız.

1988-ci ildə Mirik kənd orta məktəbini bitirən Hamlet hərbi xidmətə çağırılaraq iki il Rusiyanın Tomsk vilayətində qulluq edir.
Hərbi xidmətini başa vurduqdan sonra isə vətənə qayıdır.

1994-cü ildə yenidən hərbi xidmətə, lakin bu dəfə torpaqlarımızın erməni işğalçılarından müdafiəsinə çaqırılan Hamlet ilk gündən ön xətdə qulluq edir, Füzuli rayonunun Əbdürrəhmanlı kəndində döyüşlərin iştirakçısı olur. Həmin kənd uğrunda döyüşlərin birində rota komandirinin düşmən gülləsinə tuş gəldiyini görən Hamlet pulemyotu əlinə alaraq erməniləri güllə yağışına tutur, neça-neçə erməni quldurunu yerə sərir. Düşmən tərəfindən hədəfə alındığını görən Hamlet cəld yerini dəyişərək özünə yeni movqe seçir.

Lakin düşmən snayperindən yayınmaq ona qismət olmur və həmin döyüş Hamletin son döyüşü olur.
Məzarı Xırdalan qəsəbə qəbiristanlığındadır.

Hamlet subay idi. Anası Həşimova Mədinə Hamletin hələ 13 yaşı olargən dünyasını dəyişmişdi.