1967-1994
(Xırdalan qəsəbəsi)

İqor Şəkər oğlu Nəbiyev 1967-ci il iyul ayının 4-də Abşeron rayonunun Xırdalan qəsəbəsində anadan olmuşdu.

Atası Şəkər Nəbiyev Zəngəzur mahalının (indiki “Ermənistan"ın) Qafan rayonunun Şəhərcik kəndindən idi. Peşəkar hərbçi kimi, 1939-1950-ci illər ərzində Sovet ordusunda qulluq etmişdi. İstefaya çıxdıqdan sonra Vətəndə ermənilərin təzyiqlərini görüb, 1965-ci ildə Abşeron rayonuna köçməyə məcbur olmuşdu. Bu vaxt onun iki oğlu, bir qızı vardı. İki il sonra isə İqor dünyaya gəldi.

İqor 1982-ci ildə qəsəbədəki 1 saylı orta məktəbin səkkizinci sinfini bitirmişdi.
Sonra Bakı şəhərində Texniki peşə məktəbində oxuyub, saatsaz və qaynaqçı ixtisaslarına yiyələnmişdi.

1985-ci ildə Sovet ordusu sıralarında hərbi xidmətə çağırılan İqar iki il Almaniya Demokratik Respublikasında qulluq etmişdi.
Ordudan qayıtdıqdan sonra "Qaya” firmasında çilingər işləyirdi. 1994-cu il mart ayının 12-də könüllü olaraq Milli Ordu tərkibində Füzuli cəbhə bölgəsinə yollanmış və erməni daşnaklarına qarşı hərbi əməliyyatlarda iştirak etmişdir. İqar həmin döyüşlərin birində 1994-cü il aprel ayının 26-da Füzuli rayonunun Qorqan kəndi uğurunda döyüşdə həlak olmuşdur.

Dəfn olunduğu yer məlum deyil.

İqor ailəli idi. Həyat yoldaşı Nəbiyeva Sevda Əli qızı evdar qadındır. İki oğul yadigarı var.