1971-1992
(Xırdalan qəsəbəsi)[b][/b]

Rafiq Dünyamalı oğlu Dünyamalıyev 1971-ci il may ayının 2-də anadan olmuşdu.

1989-cu ildə Bakı mədəni-maarif texnikumuna daxil olmuş və sonuncu kursdan könüllü olaraq cəbhəyə getmişdi. Ona deyəndə ki, qayıt əvvəl təhsilini başa vur, sonra get, cavabı belə olub ki, Vətən və torpaq olmayandan sonra texnikum mənim nəyimə lazımdır.
1992-ci ilin mart ayından döyüş bölgələrində erməni daşnaklarına qarşı cəsarətlə vuruşan Rafiqin döyüş yolu Laçından, Zəngilandan, Ağdamdan və s. cəbhələrdən keçir və həmin ilin sentyabr ayının 19-da başa çatır. Rafiq sonuncu tarixdə Ağdam rayonunun Qaralar kəndində gedən döyüşlər zamanı aldığı yaradan şəhid olur.

20 sentyabr 1992-ci il tarixdə Bakıdakı Şəhidlər Xiyabanında dəfn edilmişdir.
Subay idi.
Atasının dediklərindən: “Dəfn zamanı mayor rütbəli Elbrus Orucov mənə yaxınlaşaraq dedi ki, oğlun Rafiq Azərbaycanın Milli Qəhrəmanı adına layiq döyüşüb”.