1971-1992
(Xırdalan qəsəbəsi)
Yavər Əzizağa oqlu Cəbrayılov 1971-ci il yanvar ayının 15-də anadan olmuşdu.
Ailədə üç qardaş, bir bacı idilər.

Yavər Xırdalan qəsəbəsindəki 1 saylı orta məktəbin səkkizinci sinfini və Texniki peşə məktəbini bitirmişdi.
Hərbi xidmət yaşı çatanda o da həmyaşıdları kimi Sovet ordusu sıralarında xidmət etmişdi. Hərbi Xidmətdə ikən bir gün xidmət etdiyi hərbi gəminin dor ağacına qalxarkən havadakı qırıcı təyyarə təsadüfən qəzaya uğramış və həmin gəminin dor ağacına dəymişdir. Hadisə nəticəsində yaralanan Yavər bir böyrəyini itirmişdi.

1991-ci ildə əsgərlikdən qayıdan Yavər torpaqlarımıza erməni təcavüzünə dözməyərək bir ay sonra Milli Ordu sıralarında on cəbhəyə yollanır. Burada snayperçi kimi xidmət edir, az vaxtda bir sıra hərbi şücaətlər göstərir, iki erməni tankını məhv edir. Ağdərə, Tərtər cəbhələrində düşmənə qarşı hərbi əməliyyatlarda qəhrəmanlıqla doyüşür. Sonuncu döyüşü 1992-ci il fevral ayının 12-də Ağdərə cəbhəsində olmuşdur. 30 nəfər Azərbaycan əsgərini mühasirədən çıxarmağa nail olan Yavər özü şəhid olur.

Subay idi.
Bakıda şəhidlər Xiyabanında dəfn edilmişdir.