1968-1993
(Qobu qəsəbəsi)

Nəbi Əzizağa oğlu Hacıağayev 1968-ci il yanvar ayının 10-da Abşeron rayonunun Qobu qəsəbəsində anadan olmuşdu. Ailədə beş qardaş, iki bacı idilər.
1985-ci ildə Qobu qəsəbə orta məktəbini bitirən Nəbi 1986-cı ildə Sovet ordusu sıralarında hərbi xidmətə çağırılmış və Ukraynanın Krım şəhərində hərbi donanmada xidmət etmişdir.

1989-cu ildə üç illik hərbi xidmətini başa vurub, evə qayıtmış və 1990-cı ildə ailə həyatı qurmuşdur.
Bir oğul yadigarı var.

Torpaqlarımıza erməni təçavüzünün güclənməsi ilə bağlı silaha sarılaraq Vətənin müdafiəsinə qalxanlardan biri də Nəbi olmuş və o, 1993-cü ildə könüllü olaraq Abşeron batalyonunun tərkibində döyüş bölgəsinə getmişdir. Həmin il dekabr ayının 22-də Füzuli bğlgəsi istiqamətində gedən döyüşlərin birində qəhrəmancasına şəhid olmuşdur.

Məzarı Qobu qəsəbə qəbiristanlığındadır.
Qobu qəsəbəsində yaşadığı küçə Nəbi Hacıağayevin adına verilmişdir.